स्वर्गिय तोयनाथ जोशीको २९ औँ पुण्य तिथिको अवशरमा रक्तदान कार्यक्रमको आयोजना गरिएको छ । जोशीको पुण्य तिथिको अवशर पारी भजनी स्थित पाण्डव जनरल स्टोरको आयोजनामा रक्तदान कायृक्रम आयोजना गरिएको हो । स्टोरका सञ्चालक तथा नेपाली काग्रेंस कैलालीका सदस्य टंक प्रसाद जोशीका पिता तोयनाथ जोशीको पुण्य तिथिमा आयोजित रक्तदान कार्यक्रमबाट १ सय १ पिन्ट रगत संकलन भएको जनाइएको छ ।

भजनी नगरपालिकाका मेयर केवल चौधरीले रक्तदान कार्यक्रमको सुभारम्भ गरेका थिए । कार्यक्रममा उप मेयर राजु तिरुवा, नेपाली काग्रेंस महासमिति सदस्य जिवन श्रेस्ठ, नागरिक उन्मुक्ती पार्टीका केन्द्रिय सदस्य गंगाराम चौधरी, जनता सामुदायिक पुस्तकालयका पुर्व अध्यक्ष डम्मर खड्का, भजनीका बिस्णु न्यौपाने लगायतले रक्तदान गरेका थिए । रक्तदान कार्यक्रममा इलाका प्रहरी कार्यालय भजनी र प्रार्थमिक स्वास्थ्य केन्द्र भजनी र रक्त सञ्चार केन्द्र टिकापुरले सहयोग गरेको आयोजक पाण्डव जनरल स्टोरका सञ्चालक टंक प्रसाद जोशीले बताए ।

कार्यक्रममा नेपाली काग्रेंसकी केन्द्रिय सदस्य ईश्वरी न्यौपाने, कैलाली ३ मा गठबन्धनका साझा उमेदवार कृष्ण कुमार चौधरी कुन्दन, प्रदेशसभा क का उमेदवार खेमराज डगौराको उपस्थिती रहेको थियो । कार्यक्रमकै अवशरमा पाण्डव जनरल स्टोरका सञ्चालक जोशीले ५४ औँ पटक रक्तदान गरेका थिए । साथै महुन्याल बहुमुखी क्याम्पस भजनी परिसरमा ३ लाख लागतको सरस्वती मन्दिर निर्माण गर्ने जोशीले घोषणा गरेका छन् ।