दार्चुलामा चुनाव विरोधी गतिविधि गरिरहेको आरोपमा प्रहरीले नेत्रविक्रम चन्द विप्लव नेतृत्वको नेपाल कम्युनिष्ट पार्टीका दुई जना कार्यकर्तालाई पक्राउ गरेको छ।

जिल्लाको लेकम गाउँपालिका–१ सर्मोलीबाट सोही ठाउँका २३ वर्षीय जीवन विष्ट र २६ वर्षीय सुरेन्द्र विष्टलाई प्रहरीले समातेको हो। 

जीवन नेकपाको युवा संगठनका केन्द्रिय सदस्य हुन् भने सुरेन्द्र नेकपाका जिल्ला सदस्य हुन्। उनीहरुलाई बडिपुर माध्यमिक विद्यालय सर्मोली मतदान केन्द्रबाट पक्राउ गरिएको थियो।