कञ्चनपुरको क्षेत्र नम्बर ३ मा मतगणना सुरु हुँदैछ।

जिल्ला निर्वाचन कार्यालय, कञ्चनपुरका प्रमुख उदयराज जोशीका अनुसार कर्मचराीहरु गणनाको तयारी गर्दैछन्। आइतबार रातिको सर्वदलीय बैठकले सोमबार बिहान ९ बजेदेखि मतगणना गर्ने सहमति गरेको थियो। 

क्षेत्र नं १ र २ मा मतपेटिका ढिलो गरी संकलन भएका कारण मतगणना केही ढिलो हुने उनले बताए। जिल्लाको क्षेत्र नम्बर १ र २ मा सोमबार दिउसोपछि मात्र मतगणना सुरु हुने छ।

कञ्चनपुरमा ३ लाख २ हजार ५०९ मतदाता रहेकोमा ६२ प्रतिशत मतदान भएको छ।