कैलालीमा खुकुरी प्रहारबाट दुई जना घाइते भएका छन् । लम्कीचुहा नगपालिका १ को भुरुवामा खुकुरी प्रहारबाट दुई युवक घाइते भएको प्रहरीले जनाएको छ ।

घाइते हुनेमा जगत टमटा र राजेश टमट्टा रहेका छन् । सोमबार राति छिमेकीको घरमा नाच्न गएका बेला आपसी विवादका क्रममा उनीहरुबीच लफडा भएको थियो ।  विवादका कारण चार जना स्थानीय युवाले दुवै जनामाथि धारिलो हतियार प्रहार गरेको इलाका प्रहरी कार्यालय लम्कीले जनाएको छ । उनीहरुको लम्कीस्थित लालरत्न अस्पतालमा उपचार भइरहेको छ ।

हतियार प्रहारमा संलग्न भएको अभियोगमा प्रहरीले चार जनालाई नियन्त्रणमा लिएको छ । तर उनीहरुको परिचय भने गोप्य राखिएको छ ।