बैतडीको पुरचौडीं नगरपालिकाका प्रमुख प्रशासकीय अधिकृत वीरबहादुर नेपालीले नगरप्रमुख र उपप्रमुख विरुद्ध मुद्दा हालेका छन् । उनले नगरप्रमुख दीपकबहादुर बम र उपप्रमुख मिना धानुकविरुद्ध पाटन उच्च अदालतमा मुद्धा हालेका हुन । उनले कार्यालयमा नगरप्रमुख र उपप्रमुखले काम गर्ने वातावरण विथोलेकाले कामकाज गर्ने वातावरण मिलाउने आदेश माग गर्दै नगरप्रमुख, उपप्रमुख र संघीय सामान्य प्रशासन मन्त्रालयलाई विपक्षी बनाएर मुद्दा दर्ता गरेको बताएका छन ।
कर्मचारी भर्नाका विषयमा विवाद झिकेर नगरपालिकामा बस्ने वातावरण विगारेको उनले आरोप लगाएका छन । गत फागुनमा रोजगार सहायक एक जना, कम्प्युटर अपरेटर एक जना, एमआइएस अपरेटर एक जना र १२ जना कार्यालय सहयोगीका लागि भएको परीक्षामा नेपालीले मनोमानी गरेको आरोप लागेको थियो । तर करारमा कर्मचारी राख्न खोलेको विज्ञापनको परीक्षाफल प्रकाशनमा कुनै त्रुटि नभएको नेपालीले दाबी गर्दै आएका छन् ।
विशेष अदालत पाटनमा मुद्दा दर्ता गरेका नेपालीले आफ्नो पक्षमा अदालतले निर्णय गरेको बताए । उनले मुद्दा किनारा नलागुञ्जेलसम्म कामकाजमा फर्कन आदेश दिएकाले तत्कालै काठमाडौंबाट कार्यक्षेत्रमा फर्किने तयारी गरेको जानकारी दिए ।
सम्बन्धित वर्गका समाचारहरू
