'द पोइट आइडल'को फाइनलमा रङ्गकर्मी न्याथन
भोट गरेर जिताउन आग्रह
2023/04/20, 12:04
 
ss

मर्मस्पर्शी शब्दहरु, शब्दलाई जीवन्त प्रस्तुत गर्ने उनको गला अनि कला, यस्तो लाग्छ, उनी शब्दसंगै बगिरहेका छन्, कवितामा आधारित रियालिटी शो ‘द पोइट आइडल’मा कवि नाथन रायन शब्दसंगै रोइरहेका छन् । उनी जव स्टेजमा कविता बाचन गर्न थाल्छन, तव सन्नाटा छाउछ, उनी बाहेक सबै चुप हुन्छन, सबै एकाग्र भएर उनलाई सुन्छन । 

उनी कविता मार्फत देश बोल्छन । एउटा छोराको पीडा ओकेल्छन । बालबच्चा, जहान र बुढी आमालाई घरमै छोडेर परदेश जादै गर्दाको नमिठो मनोदशा ओकेल्छन्, यस्तो लाग्छ, उनी आम नेपालीको पीडा, हरेक युवाको व्यथा कविता मार्फत देखाईरहेका छन्, शासकहरुलाई । ए शासकहरु सुन, अनि बुझ । आम नेपालीले बाँच्ने जीवन कस्तो छ ? उनी कविता मार्फत शासकलाई झक्झक्याईरहेका छन् ।

उनी सुदूर पश्चिम बोलीरहेका छन् । उनले आफूलाई सगर्व सुदूर पश्चिमेलीले, अझ त्यो भन्दा बढि नेपालीका रुपमा आफूलाई चिनाउछन् ।

लज्जावती फूललाई विनाअनुमति सबैले छोए

उनी विनास्पर्श स्वतन्त्र बाँच्न चाहन्छिन्

भन्दिनु तिम्रो खोक्रो समाजवादलाई 

गौँथली मरिसकिन्

लज्जावती फूलहरू अब लजाउने छैनन् –

कविता मार्फत रायन शासकलाई झापड लगाउछन्, र सुनाउछन् ।

May be an image of 1 person

मञ्चमा उनले यी पङ्क्ति वाचन गरिरहँदा केही प्रश्नहरू जन्मिएका छन् । नारीलाई इतिहास वा कथाका पानामा उच्च देखाइनु के नारी स्वतन्त्रता हो ? के स्वतन्त्रता भनेको अरूले दिएको आकाशमा निर्बाध उड्नु हो ? अरूले नदिएको आकाश खोसेर त्यो आकाशमा उड्नु पनि त स्वतन्त्रता होइन । के स्वतन्त्रता भनेको आफ्नो खुट्टामा बाँधिएको सिक्री अरूसँग साँचो मागेर बन्धनमुक्त हुनु हो ? 

तर नाथन भन्छन्, ’स्वतन्त्रता भनेको त त्यो अमूल्य निधि हो, जो आफूभित्र हुन्छ र माग्नु पर्दैन कसैसँग । हो, यही कुरा हमेशा हामीहरूले बुझ्नु पर्छ ।’

नाथन रायन कञ्चनपुर बासी हुन् । कञ्चनपुरको शुक्लाफाँटा नगरपालिकामा जन्मिएका उनको स्नातकसम्मको पढाइ त्यहीँ बित्यो । महेन्द्रनगरस्थित अमिटी कलेजबाट उनले बीबीए उत्तीर्ण गरेका छन् । 

May be an image of 2 people

महेन्द्रनगरबाट उनी काठमाडौँ गए ।  कान्तिपुर सिटी कलेजबाट आमसञ्चार तथा पत्रकारितामा स्नातकोत्तर गरेका नाथन मण्डला थिएटरका विद्यार्थी पनि हुन् । मण्डलामा सोमनाथ खनालद्वारा निर्देशित नाटक ‘तीन ट्रान्जिट’ मा उनले अभिनय गरिसकेका छन् । पछिल्लो समय चर्चामा रहेको फिल्म ‘छक्का पञ्जा ४’ मा समेत भूमिका पाएपछि उनीसँग ठूलो पर्दाको समेत अनुभव छ ।  

सन् २०१९–२० का लागि अमेरिकी दूतावास यूथ काउन्सिल मेम्बर नाथन आफूले कलेज पढ्दादेखि मात्र कविता लेखेको बताउँछन् ।  

यही वैशाख ८ गते नेपालकै पहिलो कवितामा आधारित रियालिटी शो ‘द पोइट आइडल’ को फाइनल प्रतिस्पर्धा हुँदै छ । उक्त प्रतिस्पर्धामा सुदूरपश्चिमबाट सहभागी न्याथन रायन फाइनलमा पुगेका छन् ।

May be an image of 8 people and indoor

कञ्चनपुरको शुक्लाफाँटा नगरपालिकामा जन्मिएका न्याथन अहिले गृह जिल्लामा छन् ।

May be an image of 8 people

प्रतिस्पर्धाको फाइनलमा पुगेपछि उनी भोट अपिलका लागि गृह जिल्ला आइपुगेका हुन् । उनको दैनिकी अचेल भ्याई नभ्याई छ ।

May be an image of 6 people, beard and people smiling

प्रतियोगिताको फाइनल प्रतिस्पर्धा ४ जनाबीचमा हुँदै छ । त्यसमध्ये दुई जना नेपाली छन् भने अन्य एक जना दार्जिलिङ र अर्का सिक्किमबाट छन् । फाइनल प्रतिस्पर्धामा चारै जनाबीच कडा प्रतिस्पर्धा हुने देखिएको छ । अब्बल कविका बीचमा आफ्नो छुट्टै पहिचान बनाउन सफल न्याथनको भने जित्ने सम्भावना प्रबल हुँदै गएको छ । उनले उक्त मञ्चको हरेक एपिसोडमा फरक फरक प्रयोग गरेका छन् जसलाई सामाजिक सञ्जालमा निकै धेरैले रुचाएका छन् । 

May be an image of 4 people

यस्तै उनी एक पटक बटम जोनमा मात्र परेका थिए । त्यसपछि भने उनको भोट निरन्तर उकालो लागेको छ । साथै सामाजिक सञ्जालमा आइरहेका प्रतिक्रियाका कारण पनि उनको जीत सहज हुँदै गएको देखिन्छ । 

No photo description available.

पछिल्लो समय भोट अपिलिङका लागि दौडधुप गरिरहेका न्याथन आफूले आइडलको टाइटल जित्नेमा विश्वस्त रहेको बताउँछन् । साथै उनले आफ्ना समर्थक तथा सहृदयीहरूमा भोटिङका लागि आग्रह गरेका छन् ।

May be an image of 1 person

May be an image of 11 people and people smiling

May be an image of 5 people