धनगढीको सुभ श्री रेस्टुरेन्ट एण्ड बारमा बेहोस अवस्थामा भेटिएर डाक्टरले मृत घोषणा गरेका युवकको पहिचान खुलेको छ । जिल्ला प्रहरी कार्यालयकाअनुसार उनी कञ्चनपुरको कृष्णपुर नगरपालिका–५ का गणेशबहादुुर सार्की भएको खुलेको हो ।

प्रहरी निरीक्षक खगेन्द्र साउदले सामाजिक सञ्जालमा मृतकको तस्बिर देखेपछि जिल्ला प्रहरी कार्यालय पुगेका सार्कीका परिवारले उनको सनाखत भएको जानकारी दिए । उनकाअनुुसार मृतकका परिवारले घटनाको अनुुसन्धानका लागि जाहेरी दिने तयारीमा रहेका छन् ।

सोमबार राति सार्की होटलमा बेहोस अवस्थामा भेटिएपछि उपचारका लागि सेती प्रादेशिक अस्पताल लगिएको थियो । अस्पताल पुगाउने बितिकै चिकित्सकले मृत घोषणा गरेका थिए ।