डडेल्धुरामा पीसीआर मेसिन स्थापनाका लागि एभरेष्ट बैंक धनगढी शाखाका कर्मचारीहरुले आठ हजार पाँच सय रुपैया सहयोग गरेका छन् । डडेल्धुरामा पीसीआर मेसिन स्थापनाका लागि ह्युमानिटी फाउण्डेसन  नेपाल र सुदूर पश्चिम समाज अमेरिकाद्धारा आर्थिक सहयोग संकलन अभियानमा आठ हजार पाँच सय रुपैया सहयोग गरेका हुन् ।

यसअघि एभरेष्ट बैंकको प्रादेशिक कार्यालय र बझाङको सुर्मा, तल्कोट र चैनपुर, डोटीको दीपायल, शिखर, कैलालीको टीकापुर, लम्की, बौनिया, सुख्खड, अत्तरीया, कञ्चनपुरको महेन्द्रनगर, झलारी शाखाका कर्मचारीहरुले पीसीआर मेसिन स्थापनाका लागि ५० हजार रुपैया सहयोग गरिसकेका छन् ।

सामाजिक उत्तरदायित्व बहन गर्दै एभरेष्ट बैंकका कर्मचारीहरुले डडेल्धुरामा पीसीआर मेसिन स्थापनाका लागि सहयोग गरेको बैंकका प्रादेशिक प्रमुख सतिश सिंहले बताए । एभरेष्ट बैंक सुदूर पश्चिम प्रादेशिक कार्यालयले यसअघि पनि कोरोनाको रोकथाम र नियन्त्रणका लागि प्रदेश सरकारलाई सहयोग गरेको थियो ।