सुदूरपश्चिम महोत्सवको आज तेस्रो दिन आज एलीना चौहान, मञ्जु पौडेल, उर्गेन दोङको प्रस्तुती रहने भएको छ। धनगढी उपमहानगरपालीका वडा नम्बर १ स्थीत पशुपती टोलमा सञ्चालन भैरहेको महोत्सवमा आज कलाकार चौहान र पौडेलसंगै स्थानीय कलाकारहरुको प्रस्तुती रहने आयोजकले जानकारी दिएको छ।

सांस्कृतिक संयोजक मिलन कुँवरका अनुसार स्थानीय कलाकारहरुको प्रस्तुती रहने छ । यस्तै आज पनी विद्यालय र क्लव स्तरीय नृत्य प्रतियोगिता गराइने उनको भनाई छ। शुक्रबारदेखि शुरु भएको महोत्सव पुस २ गतेसम्म चल्ने छ।

यस बर्षको महोत्सवमा थारु गाउँ, फोटो प्रर्दशनी, स्थानीय परिकार, कला संस्कृति मुख्य आकर्षण रहेका छन् । महोत्सवको टिकट मोवाइल वालेट खल्तीबाट किन्न सकिने आयोजकले जनाएको छ । महोत्सव भित्र रहेको खल्तीको स्टलबाट खल्तीको प्रोमो कोड लगेर टिकट काट्दा हरेक टिकटमा २५ रुपियाँ क्यास ब्याक पाइने बताइएको छ । साधारणलाई रु १०० र विद्यार्थीलाई रु ५० टिकट निर्धारण गरिएको छ ।