धनगढी स्थीत मोहनापुल–अत्तरिया छ लेन सडक खण्डमा साइकल ट्रयाक निर्माण गरिन थालिएको छ। धनगढी उपमहानगरपालिकाले करिब ५० लाखको लागतमा मोहनापुल(अत्तरिया छ लेन सडकको एयरपोर्ट गेटदेखी मोहनापुलसम्म सडकको दुबै साइडमा साइकल ट्रयाक निर्माण गरिरहेको हो।

बिकास निर्माण सेवा कोहलपुरले निर्माण गरिरहेको साइकल ट्र्याकको निर्माण कार्य अन्तिम चरणमा पुगेको उपमहानगरपालिकाका इन्जिनियर दिजराज भट्टले बताए । उनले उपमहानगरपालिकाको भ्याटसहित ४९ लाख ९१ हजार ४२१ रुपैयाँमा बिकास निर्माण सेवाले काम गरिरहेको बताए।

सडकको दुबै साइड गरि करिब १६ किलोमीटर सडक खण्डमा साइकल ट्र्याक निर्माणका लागि उपमहानगरपालिकाले २०८० कार्तिक १६ गते दुई महिनाको म्याद राखी मंसिर १६ गते निर्माण सम्पन्न गरिसक्नु पर्ने गरि सम्झौता गरेको थियो। सम्झौता अवधि सकिएप नी साइकल ट्र्याकको काम भने बाकी रहेको छ । २/३ दिन भित्र सडकमा हरियो संकेत लगाइसक्ने र बाकी काम पनि हप्ता दश दिन भित्रै सम्पन्न गरिने निर्माण कम्पनीका जगदीश खनालले बताए।