बझाङको केदारस्युँ गाउँपालिका–८ मल्लेसीको पहिरोमा बेपत्ता भएका २२ वर्षीय गिरिजा जेठारा सोमबारसम्म पनि फेला परेका छैनन् । तीन दिनसम्म फेला नपरेपछि खोजी बन्द गरिएको छ ।

‘तीन दिनसम्म खोज्दा पनि भेटिएन,’ केदारस्युँ–८ का वडाध्यक्ष गणेश बोहराले भने, ‘पहिरोले बगाएर कता पु¥यायो, अब भेटिँदैन होला भनेर उद्धार टोली फर्किसक्यो ।’

उनले पहिरो ठूलो क्षेत्रफलमा रहेकाले सबैतिर खनेर साध्य नहुने भन्दै उद्धार टोली फर्किएको बताए ।