सुदूरपश्चिम प्रदेश विपद जोखिम न्यूनिकरण तथा व्यवस्थापन ऐन २०७५ संशोधन गर्न बनेको विधेयक प्रदेश सभामा टेबुल गरिएको छ ।मंगलबार बसेको प्रदेश सभाको तेस्रो अधिवेशनको दोस्रो बैठकमा प्रदेशका आन्तरिक मामिला तथा कानुन मन्त्री शिवराज भट्टले सो ऐन सभामा टेबल गरेका हुन् ।

सो अवसरमा बोल्दै मन्त्री भट्टले प्रदेशको विपद जोखिम न्यूनिकरण र संघिय सरकारको ऐनबिच अन्तर रहेकाले त्यसलाई कम गर्न ऐन संशोधन गर्न टेबुल गरेको बताए । प्रदेशको अर्को बैठक माघ १२ गते शुक्रबार बिहान ११ बजेसम्मका लागि स्थगित भएको सभामुख भीमबहादुर भण्डारीले घोषणा गरे ।