विद्युतीय सवारी साधनहरुको बिक्री वितरण गर्दै आएको फोटन मोर्टसको ग्राहक भेटघाट तथा सम्मान कार्यक्रम आयोजना गरिएको छ । कञ्चनपुरको महेन्द्रनगरमा फोटन मोर्टसको ग्राहक भेटघाट तथा सम्मान कार्यक्रम सम्पन्न भएको हो ।
फोटन मोर्टसको लागि नेपालको आधिकारिक बिक्रेता एमएडब्लु भिद्धी कर्मसियल भेकल्स प्रा. लि. को आयोजनामा विद्युतीय गाडीहरुको ग्राहक भेटघाट कार्यक्रममा विभिन्न सार्वजनिक यातायात समितिका पदाधिकारीहरुसँग पनि छलफल तथा अन्तरक्रिया गरिएको छ । कार्यक्रममा एक लाख ३० हजार किलोमिटर गुडेका विद्युतीय गाडीका सवारी धनीहरुलाई सम्मान समेत गरिएको छ । यसका साथै फोटन मोटर्सका ५१ वटा विद्युतीय गाडीहरु बुकिङ भएका छन् ।
फोटन मोर्टसको सुदुरपश्चिमका लागि आधिकारिक बिक्रेता बडिमालिका टेड्रिङ कन्सर्नका प्रबन्ध निर्देशक राजेन्द्र खत्रीको अध्यक्षतामा भएको ग्राहक भेटघाट र सम्मान कार्यक्रमका प्रमुख अतिथि नेपाली सेनाको २५ नम्बर बाहिनीका लागि बाहिनीपति सहायक रथी मनोज थापा रहेका थिए ।
कार्यक्रममा एमएडब्लु भिद्धी कर्मसियल भेकल्स प्रा. लि.का सेल्स प्रमुख नवीन आचार्यले फोटन मोर्टसका विद्युतीय गाडीहरुको बिषयमा जानकारी गराएका थिए भने । एमएडब्लु भिद्धी कर्मसियल भेकल्स प्रा. लि.का सर्भिस हेड जयन्त बस्नेतको पनि कार्यक्रममा सहभागीता रहेको थियो ।
सम्बन्धित वर्गका समाचारहरू
