दक्षिण भारतीय अभिनेत्री रश्मिका मन्दना र अभिनेता विजय देवरकोन्डा लन्च डेटमा सँगै देखिएका छन्। दुवैका तस्वीर सामाजिक सञ्जालमा भाइरल भएका छन्। एक तस्विरमा विजय टेबलमा खाना खाइरहेका छन् भने रश्मिका खानाको आनन्द लिइरहेकी छन्। रश्मिका स्लिभलेस निलो टप र निलो डेनिममा देखिएकी छिन्, विजय निलो ज्याकेटमा छन्। 

प्रेम प्रशंगबारे बोल्दै विजयले एक अन्तर्वार्तामा ३५ वर्षको उमेरमा पनि के अझै सिंगल बस्न चाहन्छुरु भनेर प्रश्न गरेका थिए। रश्मिकाले पनि विजयले ब्रेकअपको कठिन समयमा आफूलाई सहयोग गरेको बताएकी थिइन्। रश्मिका र विजयको सम्बन्ध २०१८ मा फिल्म गीता गोविन्दमबाट सुरु भएको थियो। पछिल्ला केहि घटनाक्रमले उनीहरू एक अर्कालाई डेट गरिरहेको अफवाहलाई बल दिएको छ। 

सेप्टेम्बर २०१८ मा रक्षित सेट्टी र रश्मिकाले विवाहका लागि समय अनुकुल नभएको भन्दै आफ्नो इन्गेजमेन्ट तोडेर सबैलाई चकित पारेका थिए। त्यसपछि रश्मिकाको नाम विजयसँग जोडेर हेर्न थालिएको छ।