कैलालीको घोडाघोडी नगरपालिका–१, सुखडमा खाद्यान्न ढुवानी भन्दै कपडा ढुवानी गरिरहेको ट्रकलाई सुखड प्रहरीले नियन्त्रण मा लिएको छ ।

विरगञ्जदेखि कैलालीसम्मका लागि फेन्सी तथा लत्ता कपडा ढुवानी गरिरहेको ना ६ ख ४३५१ नम्बरको ट्रकलाई ईलाका प्रहरी कार्यालय सुखडले नियन्त्रण लिएको हो । सुखडमा रहेको ट्राफिक चेकपोष्टमा सोधपुछ गरी इन्ट्री गर्दा सवारी चालकले खाद्यान्न भएको बताएका थिए तर ट्रकमा कपडाका थान फेला परेको प्रहरीले जनाएको छ ।

खाद्यान्न ढुवानी भन्दै कपडा ढुवानी गरिरहेको अवस्थामा ट्रकलाई नियन्त्रणमा लिएको इलाका प्रहरी कार्यालय सुखडका प्रहरी प्रमुख हरिशरण भट्टले बताए ।