धनगढीमा थप ६ जनामा कोरोना पुष्टि भएको छ । सेती प्रादेशिक अस्पतालको प्रयोगशालमा भएको परीक्षणमा एक महिला र पाँच पुरुष गरी ६ जनामा कोरोना पुष्टि भएको हो ।

धनगढी उप–महानगरपालिका वडा नम्वर १५ का १०, १९ र २५ बर्षीय पुरुषमा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए । उनका अनुसार धनगढी उप–महानगरपालिका वडा नम्वर १४ का दुई बर्षीय बालक र २५ बर्षीय महिलामा कोरोना पुष्टि भएको छ । यस्तै धनगढी उप–महानगरपालिका वडा नम्वर ३ का २६ बर्षीय पुरुषमा पनि कोरोना पुष्टि भएको छ । 

योसंगै धनगढीमा कोरोना संक्रमितको संख्या ९७ पुगेको छ । ६७ पुरुष र ३० महिला गरी ९१ जनामा कोरोना पुष्टि भएको हो । धनगढी उप–महानगरपालिकाका स्वास्थ्य शाखाका जनस्वास्थ्य निरिक्षक लक्ष्मीराज उपाध्यायले १९ वटै वडामा संक्रमण फैलिएको बताए । उनका अनुसार वडा नम्वर १ मा सात जना, २ मा चार जना, ३ मा पाँच जना, ४ मा एक जना, ५ मा १० जना र वडा नम्वर ६ मा दुई जनामा कोरोना पुष्टि भएको छ । वडा नम्वर ७ मा तीन जना, ८ मा पाँच जना, ९ मा १० जना १० मा तीन जना, ११ मा एक जना र वडा नम्वर १२ मा २० जनामा कोरोना पुष्टि भएको उपाध्यायले बताए ।

यस्तै वडा नम्वर १३ मा दुई जना, १४ मा ८ जना, १५ मा चार जना, १६ र १७ मा एक÷एक जना, १८ मा नौँ जना र वडा नम्वर १९ मा एक जनामा कोरोना पुष्टि भएको छ । यस्तै सुदूरपश्चिममा संक्रमितको संख्या चार हजार ६ पुगेको छ । संक्रमण पुष्टि भएका एक हजार ६ सय बढी डिस्चार्ज भईसकेका छन् भने ८ जनाको मृत्यु भईसकेको छ ।