धनगढीको जेसिज एभरेष्ट पूर्व विद्यार्थी संघले स्थापना गरेको अक्षय कोषमा १० लाख रुपैँया जम्मा भएको छ । जेसिज एभरेष्ट स्कुलका पूर्व विद्यार्थीहरु आवद्ध संघले स्थापना गरेको कोषमा दुई वर्षमै १० लाख रुपैँया जम्मा भएको संघका अध्यक्ष खेमराज जोशीले जानकारी दिए ।

पूर्व विद्यार्थीहरुले रकम संकलन गरी स्थापना गरेको पाँच लाखको कोषमा दोस्रो वर्ष १० लाख जम्मा भएको हो । जोशीका अनुसार कोषमा संघमा आवद्ध विद्यार्थीहरुले आ–आफ्नो इच्छा अनुसार रकम जम्मा गर्दै आएका छन । त्यसरी जम्मा भएको रकम सामाजिक कार्यमा खर्च गरिदै आएको छ । 

यसैबीच अक्षय कोषको रकमबाट धनगढीको आमाको माया छात्रावासमा आश्रित दुई असहाय बालकको पढाई खर्च व्यहोर्दै आएको छ । छात्रावासमा बस्दै आएका हुम्लाका ती दुई बालकको पढाई खर्च अक्षय कोषबाट व्यहोर्दै आएको अध्यक्ष जोशीले बताए ।