धनगढीमा दुई समूहबीच भएको झडपमा परी दुई जना घाईते भएका छन् । धनगढी उप–महानगरपालिका वडा नम्वर १३ राजपुरमा ‘ग्याङ’ फाइट हुँदा दुई जना घाइते भएका हुन् । शुक्रबार राती दुई समूह विचको झडपका क्रममा खुकुरी प्रहार भएको जिल्ला प्रहरी कार्यालय कैलालीले जनाएको छ । 

घाईते दुवैको निसर्ग अस्पतालमा उपचार भईरहेको जिल्ला प्रहरी कार्यालय कैलालीका प्रहरी नायव उपरिक्षक प्रतिक विष्टले बताए । घाईते मध्य एक जनाको अवस्था गम्भीर रहेको थप उपचारका लागि काठमाडौं लैजाने तयारी भइरहेको छ । 

यसैबीच धनगढी उप–महानगरपालिका–१३ राजपुरमा भएको ‘ग्याङ’ फाइटमा संलग्न भई खुकुरी प्रहार गर्ने दुई जनालाई प्रहरीले पक्राउ गरेको छ । पक्राउ पर्नेमा धनगढी–३ का २२ बर्षीय सन्नी नेपाली र वडा नम्बर–२ का दिपेन्द्र भण्डारी रहेको प्रहरीले जनाएको छ ।

प्रहरीका अनुसार पक्राउ परेका नेपालीको साथबाट खुकुरी र भण्डारीको साथबाट तरवार बरामद गरिएको छ । दुवै जना यस अघि पनि विभिन्न अपराधिक कृयाकलापमा संलग्न रहेको पाइएको छ । घटनामा संलग्न अन्य व्यक्ती पनि हुन सक्ने आशंका गरिएको भन्दै उनीहरुको खोजी कार्य भईरहेको प्रहरीले जनाएको छ ।