धनगढीका सात सहित थप ८ जनामा कोरोना पुष्टि भएको छ । धनगढी स्थित प्रादेशिक प्रयोगशालामा आज गरिएको परिक्षणमा थप ८ जनामा कोरोना पुष्टि भएको हो । एक जना कञ्चनपुर पुर्नवासकी ३१ बर्षीया महिला तथा सात जना धनगढी उपमहानगरपालिका क्षेत्रका रहेको सेती प्रादेशिक अस्पतालका सुचना अधिकारी दिलिप श्रेष्ठले जानकारी दिए ।

धनगढीको वडा नम्बर १८ मा दुई जना पुरुष, धनगढी १४ मा दुई जना महिला, धनगढी १५ मा दुई जना महिला, धनगढी १ मा एक जना पुरुषमा कोरोना पुष्टि भएको हो । पछिल्लो चौविस घण्टामा दुई सय ३७ जनाको कोरोना परिक्षण गरिएको थियो । योसँगै सुदुरपश्चिममा संक्रमितको संख्या चार हजार १७ जना पुगेको छ ।