आफ्नै छोरीलाई बलात्कार गर्ने बाबु विरुद्ध मुद्दा दर्ता भएका छ । जिल्ला प्रहरी कार्यालय कैलालीमा पीडित पक्षले मुद्दा दर्ता गराएका हुन् । शनिवार कैलालीको घोडाघोडी नगरपालिकामा १४ बर्षिया र १७ बर्षिया दुई छोरीमाथि आफ्नै बाबुले बलात्कार गरेको आरोप लागेको थियो ।

शनिवार इलाका प्रहरी कर्यालय सुखडमा संरक्षक नभएको भन्दै मुद्दा दर्ता भएको थिएन । आइतबार जिल्ला प्रहरी कार्यालयमा जबरजस्तीकरणी र बाल यौन दुरुपयोगमा मुद्दा दर्ता भएको प्रहरी प्रवक्ता प्रहरी नायव उपरीक्षक प्रतीक विष्टले बताए ।

दुई छोर मध्ये एक जनालाई बलात्कार गरेको र बाल यौन दुरुपयोग गरेको भन्दै मुद्दा भएको हो । आरोपी बाबु भने फरार छन् ।