दार्चुलाको मालिकार्जुन गाउँपालिकाका अध्यक्ष नरेन्द्र सिह धामीले पहिरामा पुरिएका घाइते दुई जनालाई सेनाको हेलिकोप्टर मार्फत नेपालगञ्ज पठाएका छन् ।

घाइते लक्ष्मी परियार र उनकी छोरी सोनिया सहित एक जना कुरुवालाई मंगलबार उपचारका लागि नेपालगञ्ज पठाइएको छ । घाइतेसंगै मदन दर्जी गएका छन् । अध्यक्ष धामीले उनीहरुलाई ३० हजार सहयोग समेत गरेका छन् ।

घाइतेहरुलाई उपचारका लागि नेपालगञ्ज पठाउन अध्यक्ष धामीले विहानदेखि पहल गरेका थिए । घाइते लक्ष्मीको घरमा आएका लेकम गाउँपालिकाका दुई जनाको पहिरोमा पुरिएर मृत्यु भएको छ । परियाको घरमाथि पहिरो आउँदा उनीहरु पुरिएका हुन् ।