कैलालीमा छोरी बलात्कारका आरोपीलाई विद्यालयको प्रधानाध्यापकबाट हटाइएको छ । घोडाघोडी नगरपालिकाको एक सामुदायिक विद्यालयका प्रधानाध्यापकले आफ्नै छोरीलाई बलात्कार गरेको भन्दै प्रहरीमा मुद्धा दर्ता भएपछि उनलाई पदबाट हटाईएको हो ।

उनी मुद्धा दर्ता भएसंगै फरार छन् ।  मंगलबार बसेको विद्यालय ब्यवस्थापन समितिको बैठकले उनी लगातार विद्यालयमा अनुपस्थित भएको र विद्यालयका अन्य कामकाज गर्न समेत समस्या भएकाले प्रधानाध्यापकबाट हटाउने निर्णय गरेको हो ।

बैठकले सोही विद्यालयकी एक शिक्षिकालाई प्रधानाध्यापकको जिम्मेवारी दिने निर्णय समेत गरेको छ । सो निर्णयलाई नगरपालिकाले स्वीकृत गर्नुपर्नेछ ।