धनगढीमा तीन वटा मोटरसाईकल ठोक्किएर भएको दुर्घटनामा तीन जना घाईते भएका छन् । निर्माणाधीन मोहनापुल अत्तरिया ६ लेन सडक खण्डको सहिद गेट नजिकै तीन वटा मोटरसाईकल ठोक्किदा तीन जना घाईते भएको प्रहरीले जनाएको छ ।

से ५ प ९०१७, से ५प ८३१४ र से १ च ८००२ नम्बरको मोटरसाईकल एक आपसमा ठोक्किदा धनगढी उपमहानगरपालिका ६ का २४ वर्षीय विवेक राना, उनकी श्रीमती २२ वर्षीया निरमाया राना र धनगढी २ का रामसिह सिकेन घाईते भएका हुन् ।

उनीहरुको माया मेट्रो अस्पतालमा उपचार भईरहेको छ । से १ च ८००२ नम्बरको मोटरसाईकल चालकलाई प्रहरीले नियन्त्रणमा लिएको छ ।