गत आर्थिक बर्षमा १२ वटा स्टिङ अप्रेशन गरेको अख्तियार दुरुपयोग अनुसन्धान आयोग महेन्द्रनगर कार्यालयले नयाँ आर्थिक बर्ष सुरु भएसँगै छापा हान्ने कामलाई तिव्रता दिएको छ । वुधवार मात्रै कैलालीको लम्कीचुहा नगरपालिकामा अख्तियारले छापा हानेको हो ।

गत आर्थिक वर्षको मिति राखेर पालिकाका कर्मचारीले आवास गृहमै कानून विपरीत चेक काटेको समाचार सञ्चार माध्यममा प्रकाशन र प्रशारण भएपछि अख्तियार दुरुपयोग अनुसन्धान आयोग कञ्चनपुरले छापा हानेको हो ।

अख्तियार कञ्चनपुरका प्रमुख खगेन्द्र रिजालले आर्थिक बर्ष सकिए पूरानो मिति राखेर भुक्तानी भईरहेको उजुरी आएपछि टोली लम्की चुहा पठाएर अख्तियारको टोलीले नगरपालिकाका कागजात समेत नियन्त्रणमा लिएको छ । नयाँ आव २०७७÷०७८ सुरु भईसके पनि कानून विपरीत लम्की चुहाका कर्मचारी आवास गृहमै बसेर चेक काटिरहेको पाइएको थियो । 

नगरपालिकाका लेखा अधिकृत धर्मराज उपाध्याय, लेखापाल सरोजकुमार चौधरी लगायत कर्मचारी आवास गृहमा बसेर चेक काटिरहेको अवस्थामा फेला परेका थिए ।

यो पनि पढ्नुहोस्

अख्तियारको स्टिङग अपरेशनः २१ जना रंगेहात पक्राउ, साढे १३ लाख ७० हजार नगद बरामद