सुदूरपश्चिम प्रदेशमा १५ असार यता प्राकृतिक प्रकोपबाट ३१ जनाको मृत्यु भएको छ । सुदूरपश्चिम प्रदेश प्रहरी कार्यालय दिपायलले दिएको जानकारी अनुसार सबैभन्दा बढी पहिरोमा परि मृत्यु भएको छ । प्रदेशभरि पहिरोमा परि १५ जनाको मृत्यु भएको सुदूरपश्चिम प्रदेश प्रहरी कार्यालय दीपायलका प्रवक्ता एसएसपी मुकेश कुमारसिंहले बताए । 

त्यस्तै, बाढीले ५ जना, पानीमा डुबेर ४ जना, पानीले बगाएर २ जना, करेन्ट लागेर २ जना, लडेर २ जना र आगलागीबाट एक÷एक जनाको मृत्यु भएको  एसएसपी सिंहले बताए । मृत्यु हुनेमा बझाङमा १० जना, कैलाली र दार्चुलामा ७÷७ जना, बाजुरा ३, डोटी २, बैतडी र कञ्चनपुर १÷१ जना रहेको एसएसपी सिंहले बताए ।