बझाङको केदारस्युँ गाउँपालिका ८ मल्लेसी पहिरो घटनामा वेपत्ता भएका युवकको शव भेटिएको छ । गत असार १९ गते राती १२ बजे घर बाहिर पानी एकातर्फ लगाइरहेका बेला एक्कसी आएको पहिरोले बेपत्ता बनाएका २१ वर्षिय गिरी जेठारा शव आइतबार फेला परेको हो ।

उनको शव स्थानीय लोक बहादुर जेठाराको घर पछाडी पुरिएको अवस्थामा फेला परेको विपद व्यवस्थापन समिति केदारस्युँ ८ मल्लेसीका सुरेश जेठाराले बताए ।

उनका अनुसार स्थानीय लोक जेठाराले घर वरिपरि पसेको ढुङ्गा माटो हटाएर घर सफा गर्ने क्रममा आइतबार दिउँसो शव भेटिएको हो । शव भेटिएपछि प्रहरी एक टोली त्यसतर्फ खटिएको छ ।