ज्यानको खतरा रहेको भन्दै डोटीबाट निर्वाचित प्रतिनिधि सभा सदस्य प्रेम आले सहित तीन सांसद विरुद्ध  प्रशासनमा निवेदन दिईएको छ ।

पूर्वमन्त्री गोकुल बाँस्कोटा, सत्तारुढ नेकपाका सांसदहरू सूर्य पाठक र प्रेम आलेबाट आफ्नो ज्यान खतरामा रहेको भन्दै लमजुङका विजय प्रकाश मिश्रले जिल्ला प्रशासन कार्यालय काठमाडौंमा निवेदन दिएका हुन ।

आफ्नो र परिवारको जिऊ धन जोखिममा रहेको भन्दै मिश्रले निवेदन दिएका हुन् । तत्कालीन सञ्चार तथा सूचना प्रविधिमन्त्री गोकुल बाँस्कोटाले घुस बागेर्निङ गरेको अडियो मिश्रले नै सार्वजनिक गरेका थिए ।

अडियो बाहिर आएपछि बाँस्कोटाले पदबाट राजीनामा दिएका थिए । मिश्रले आफ्नो चरित्र हत्या गर्न सांसदत्रयसँगै सुरक्षण मुद्रण कम्पनीका कार्यकारी निर्देशक विकल पौडेल पनि लागि परेको निवेदनमा उल्लेख गरेका छन् ।