सुदूरपश्चिममा कोरोना मुक्त हुनेको संख्या चार हजार चार सय पुगेको छ । प्रदेशको सामाजिक विकास मन्त्रालयले अहिलेसम्म चार हजार चार सय जना संक्रमित कोरोना मुक्त भएको प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र कार्कीले जानकारी दिए ।

उनका अनुसार सोमवार मात्रै प्रदेशका २१ जना कोरोना मुक्त भएर घर फर्किएका छन् । टीकापुर अस्पताल कैलालीबाट १५ जना, दार्चुलाबाट पाँच र अछामका एक जनालाई डिस्चार्ज गरिएको हो । सबैभन्दा बढि कैलालीका एक हजार तीन सय एक जना संक्रमित डिस्चार्ज भएका छन् ।

अछामका सात सय १३,  कञ्चनपुरका पाँच सय ८१, डोटीका पाँच सय ७६ र बाजुराबाट चार सय ४२ जना कोरोना संक्रमित डिस्चार्ज भएका छन् । बैतडीबाट तीन सय २२, डडेल्धुराबाट दुई सय ९९, बझाङबाट एक सय १० र दार्चुलाबाट ४१ जना संक्रमितलाई डिस्चार्ज गरिएको छ ।