भारतमा रहेका नेपालीहरुलाई तीन दिन सीमा नाका खोलेर उद्धार गरिएको भए पनि अन्य सीमा नाका पुगेकाहरुको उद्धार हुन सकेको छैन् । घर पुग्ने आशा सहित सीमा नाकामा नेपालीहरु आउने क्रम जारी रहँदा उनीहरुले नेपाल प्रवेश पाएका छैनन् । यस विषयमा प्रदेश सरकारले कुनै चासो देखाएको छैन् । तर स्थानीय प्रशासनले उद्धार गरिएका नेपालीहरुलाई उनीहरुको घरसम्म पुराउने व्यवस्था भए नेपाल ल्याउन तयार रहेको जनाएको छ ।
जिल्ला प्रशासन कार्यालय कैलालीले सीमा नाकाबाट गन्तव्य पुगाएर क्वारेन्टाईनमा राख्ने व्यवस्था भए भारतमा रहेका अलपत्र नेपालीको उद्धार गर्न कुनै समस्या नरहेको बताएको हो । दुई दिन पलिया र रामपुर क्वारेन्टाइनमा रहेका नेपालीको उद्धार गरिसकेको प्रशासनले सीमा नाकामा ¥यापिड टेस्टसंगै गन्तव्य पुगाएर क्वारेन्टाइनमा राख्ने व्यवस्था भए फेरी उद्धार गर्न तयार रहेको प्रशासनको भनाई छ ।
दुई दिन गौरीफन्टा नाकाबाट उद्धार भएपछि अहिले पलिया क्षेत्रमा मात्रै डेढ हजार बढि नेपालीहरु नेपाल प्रवेशको अनुमति पर्खिरहेका छन् । कैलालीका प्रमुख जिल्ला अधिकारी यज्ञराज बोहराले उद्धार गरेपछि सम्बन्धित पालिकासम्म पुगाउनका लागि प्रशासन एक्लैले नसक्ने भएकाले प्रदेश सरकार र स्थानीय सरकारको समन्वयको खाँचो रहेको बताए । उनले उद्धारमा भन्दा पनि सीमा वारि पुगिसकेपछि गन्तव्यमा पठाउन समस्या रहेको बताए । दुई दिनसम्म नौँ सय ५० जनाको उद्धार गरकोे प्रशासनले उनीहरुलाई गन्तव्यमा पठाउन निकै समस्या झेल्नु परेको थियो ।
जिल्ला प्रशासन कार्यालय कैलालीका सूचना अधिकारी शिवराज जोशीले व्यापारी र संघसंस्थाहरुसंग सहयोगका लागि याचना गरेपछि मात्रै उनीहरुलाई गन्तव्यसम्म पठाईएको बताए ।
सम्बन्धित वर्गका समाचारहरू
