बझाङमा काठमाडौँबाट फर्किएका ६ जना किशोरीमा कोरोना भाईरसको संक्रमण पुष्टि भएको छ । जिल्लाको साइपाल गाउँपालिका स्थायी बसोबास भएका ६ किशोरीमा मंगलबार संक्रमण पुष्टि भएको हो । उनीहरु ४ दिनअघि मात्र काठमाडौंबाट बझाङ फर्किएर चैनपुरको एक होटलमा बसिरहेका थिए ।

किशोरीमा संक्रमण पुष्टि भएपछि उनीरु बसेको होटल आसपासको क्षेत्र सिल गरिएको छ । संक्रमित किशोरीको सम्पर्कमा आएकाहरुलाई सेल्फ क्वारेन्टिनमा बसेर कोरोना परीक्षण गर्न जिल्ला अस्पताल आउन डाक्टर मिलन खड्काले आग्रह गरेका छन् ।

संघीय राजधानी काठमाडौँमा समुदाय स्तरमा कोरोेना संक्रमण फैलिसकेकाले जिल्ला बाहिरबाट फर्किनेलाई अनिवार्य क्वारेन्टिनमा बसेर कोरोना परीक्षण गराउन समेत अनुरोध गरिएको छ ।