बलात्कार बिरुद्ध कालो पोशाक लगाएर धनगढीका किशोरीहले प्रर्दशन गरेका छन् । पछिल्लो समय बलात्कारका घटना बढ्दै गएको र दोषीलाई कारबाही नभएको भन्दै उनीहरुले शुक्रबार प्रदर्शन गरेका हुन् ।

धनगढीको पार्क चोकमा पीडितको न्यायका लागि किशोरीहरुले कालो लुगा र मुख छोप्ने गरी कालो पट्टी बाधेर प्रर्दशन गरेका छन् । उनीहरुले हातमा स्टप रेप लगायत नारा लेखेको प्लेकार्ड बोकेका थिए।

बलात्कारीविरुद्ध कडा कानुन ल्याउन सरकारलाई दबाब दिन प्रदर्शन गरिएको अगुवा अञ्जली केसीले बताईन । देशमा बलात्कारका घटनाहरु बढ्दै गइरहेकाले आफूहरु सुरक्षित नरहेको उनीहरुले बताएका छन् ।