सुदूरपश्चिम प्रदेशमा कोरोना संक्रमतिको संख्या १० हजार नजिक पुगेको छ । हालसम्म प्रदेशका नौ वटै जिल्लाहरुमा ९ हजार ६ सय २० जनामा कोरोना संक्रमण पुष्टि भएको छ । प्रदेशमा रहेका प्रयोगशाला र अन्यत्र गरिएको परीक्षणमा थप ९ हजार ६ सय २० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
तर सुदूरपश्चिमको सामाजिक विकास मन्त्रालयले भने ९ हजार २ सय ९४ जनामा मात्र कोरोना पुष्टि भएको उल्लेख गरेको छ । मन्त्रालयले सुदूरपश्चिम स्थायी घर भएका तर प्रदेश बाहिरका जिल्लामा बस्दै आएकाहरुको विवरण समावेश नगरेका कारण संख्या कम देखिएको दावी गरेको छ ।
सबैभन्दा धेरै कैलालीमा ३ हजार ६ सय ४ जना संक्रमित छन् । डोटीमा १ हजार २ सय ५२, अछाममा १ हजार १ सय ६३, कञ्चनपुरमा १ हजार १९, बझाङमा ६ सय २७ जनामा संक्रमण पुष्टि भएको छ ।
यस्तै बैतडीमा ४ सय ८०, बाजुरामा ४ सय ५९ र दार्चुलामा २ सय ६१ जनामा कोरोना पुष्टि भएको सामाजिक विकास मन्त्रालयले जनाएको छ । प्रदेशभर संक्रमण पुष्टि भएका मध्ये ७ हजार ५ सय ९५ जनाले कोरोना जितिसकेका छन् भने ३२ जनाको मृत्यु भएको छ ।
सम्बन्धित वर्गका समाचारहरू
