सुदूरपश्चिमका तीन स्थानीय तहमा नबिल बैंकको बिना धितो कर्जा कार्यक्रम लागु
दुई गाउँपालिकासँग सम्झौता, एकमा हुन बाँकी 
2020/12/24, 6:31
 
nabil bank

सुदूरपश्चिमका तीन स्थानीय तहमा नबिल बैंकको बिना धितो कर्जा कार्यक्रम लागु भएको छ । प्रदेशका तीन वटा गाउँपालिकामा सहुलियत र अनुदान सहितको बिना धितो कर्जा कार्यक्रम लागु गरिएको हो । स्थानीय बासिन्दाको आर्थिक गतिविधिमा सहयोग पु¥याउने उद्देश्य अनुरुप विभिन्न गाउँपालिकामा रहेका शाखा मार्फत स्थानीय निकायसँग समन्वय गरी साना तथा मझौला ब्यवसायका साथै कृषि सम्बन्धी कार्यक्रममा सहयोग पु¥याउनको लागि बैंकले नयाँ योजना अगाडी सारेको हो । 

1

प्रदेशका तीन वटा गाउँपालिकामा यो कार्यक्रम लागु भएकोमा दुई वटा गाउँपालिकासँग सम्झौता भएको छ भने एक गाउँपालिकामा कार्यक्रम लागु भएपनि कोरोनाका कारण सम्झौता हुन बाँकी छ ।   डोटीको सायल गाउँपालिका र बैतडीको पञ्चेश्वर गाउँपालिकासँग बैंकले सम्झौता गरेको छ । सायल गाउँपालिकाका अध्यक्ष तेजबहादुर डुम्रेल र पञ्चेश्वर गाउँपालिकाका अध्यक्ष गोरखबहादुर चन्द तथा बैंकका सुदूरपश्चिम प्रदेश प्रमुख दिगेन्द्र चन्दबीच छुट्टा छुट्टै कार्यक्रममा एमओयूमा हस्ताक्षर भएको छ ।

1

कार्यक्रममा नबिल बैंकका सहायक महाप्रबन्धक गणेशप्रसाद अवस्थीको उपस्थिति थियो । कार्यक्रममा जनप्रतिनिधि, स्थानिय व्यबसायी, व्यापारी, महिला उद्यमी, कृषक एवम विभिन्न राजनीतिक दलहरुका प्रतिनिधि समेतका उपस्थिति थिए । कार्यक्रममाथि प्रकाश पार्दै नबिल बैंकका सहायक महाप्रबन्धक अवस्थीले नेपाल राष्ट्र बैंकद्वारा जारी निर्देशिका अनुरुप व्यवसायिक कृषि तथा पशुपन्छी र महिला उद्यमशिलतामा आधारित सहुलियत पुर्ण कर्जाको माध्यमबाट स्थानीयको आर्थिक विकासमा बैंकले के कस्तो योगदान दिन सक्छ भन्ने विषयमा स्पष्ट पारे ।

1

गाउँपालिकाका अध्यक्षद्वय तेजबहादुर डुम्रेल र गोरखबहादुर चन्दले, बैंक र गाउँपालिकाबीचको सम्झौता प्रशंसायोग्य रहेको धारण व्यक्त गरे । सो कार्यक्रममा उपस्थित जनप्रतिनिधिहरुले यो सम्झौताबाट सो क्षेत्रको कृषि तथा उद्यमशिलताको क्षेत्रमा व्यापक परिवर्तन ल्याउनका साथै गाउँको आर्थिक विकासका गतिविधिमा थप टेवा पुग्ने धारणा राखेका थिए ।

नबिल बैंकले ११९ वटा शाखाहरु, १८५ वटा एटीएमहरुको विशाल संरचना र एक हजार पाँच सयभन्दा बढी नबिल रेमिट एजेन्टहरुका साथमा देशव्यापी रुपमा र विश्वभर धेरै एजेन्टहरु मार्फत सेवा प्रदान गरेर आफ्ना सबै स्टेकहोल्डरहरु संगै अघि बढ्ने विश्वास राखेको छ ।