सुदूरपश्चिम प्रदेशमा ४६ जनाको नमूना परीक्षण गर्दा थप २ जनामा कोरोना भाइरसको संक्रमण पुष्टि भएको छ । सेती अस्पतालको प्रयोगशालामा ३१ जनाको नमूना परीक्षण गर्दा थप २ जनामा कोरोना संक्रमण पुष्टि भएको सामाजिक विकास मन्त्रालयले जनाएको छ ।

त्यस्तै कञ्चनपुरको महाकाली अस्पतालको प्रयोगशालामा १५ जनाको नमूना परीक्षण गरिएकोमा सबैको रिपोर्ट नेगेटिभ आएको छ ।

हालसम्म सुदूरपश्चिममा कोरोना संक्रमितको संख्या १४ हजार ३ सय ५६ पुगेको छ । संक्रमण पुष्टि भएकामध्ये १३ हजार ४ सय ८८ जनाले कोरोना जितेका छन् भने ७७ जनाको मृत्यु भएको छ ।