मनमोहन अधिकारीका पालामा घोषणा भएको औद्योगिक क्षेत्रको शिलान्यास गर्न कामचलाउ प्रधानमन्त्री केपी शर्मा ओली कञ्चनपुर जाँदै छन् । सोमबार कञ्चनपुरस्थित दैजी छेला औद्योगिक क्षेत्रको शिलान्यास गर्न कञ्‍चनपुर जान लागेका हुन् । बिहान साढे ११ बजे शिलान्यास गर्ने कार्यक्रम तय भएको छ ।

कञ्चनपुरको वेदकोट-२ र ३ मा स्थापना हुन दैजी छेला औद्योगिक क्षेत्रको शिलान्यासको औपचारिक समारोह भने वेदकोट-२ स्थित झरना खेल मैदानमा राखिएको छ ।

२०५२ सालमा तत्कालीन प्रधानमन्त्री मनमोहन अधिकारीका पालामा दैजी छेलामा औद्योगिक क्षेत्र बनाउने घोषणा भए पनि निकुञ्जको क्षेत्रभित्र पर्ने भन्दै काम सुरू भएको थिएन ।