मार्मा गाउँपालिका २ घट्टेगारमा निर्माण भएको २४ किलोवाट क्षमताको लघु जलविद्युत आयोजनाको उद्घाटन गरिएको छ । गाउँपालिका अध्यक्ष जमनसिह धामीले विद्युतको उद्घाटन गरेका हुन् ।

मार्मा गाउँपालिका वडा नम्बर २ र ४ का २३० घरधुरीलाई पुग्ने गरी विद्युत निर्माण गरिएको हो । विद्युतको काम भने अझै बाकी छ । बैकल्पिक उर्जा प्रवद्र्धन केन्द्र र गाउँपालिकाको सहयोगमा विद्युत निर्माण गरिएको हो । विद्यूत निर्माणको लागि बैकल्पिक उर्जा प्रवद्र्धन केन्द्रले कुल ६१ लख २० हजार रुपैयाँ सहयोग गरेको छ ।

आयोजना निर्माणको लागि कुल १ करोड १० लाख रुपैयाँ लागत लाग्ने अनुमान गरिएको छ । अहिलेसम्म गाउँपालिकाबाट ४ लाख रुपैयाँ मात्रै प्राप्त भएको छ, निर्माण समितिका अध्यक्ष कृष्णसिह विष्टले भने, बाँकी रकम गाउँपालिकाले दिने प्रतिबद्धता जनाएको छ ।