सुदूरपश्चिममा संक्रमितको सङख्या ८१ पुगेको छ । मंगलबारसम्म ७३ जना संक्रमित रहेकोमा आज थप ८ जनामा कोरोना पुष्टि भएको हो । धनगढी स्थित कोरोना परीक्षण प्रयोगशालामा थप आठ जनामा कोरोना पुष्टि भएको हो ।
धनगढीमा गरिएको परीक्षणमा कैलालीका तीन र डोटीका ५ जनामा कोरोना पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए । धनगढी उप–महानगरपालिका वडा नम्वर ५ का ५१ बर्षीय पुरुष, गौरीगंगा नगरपालिकाका २० र २५ बर्षीय पुरुषमा कोरोना पुष्टि भएको हो । यस्तै डोटीका पूर्वीचौकी ४ का २३ बर्षीय, ४५ बर्षीया महिला, २७ बर्षीय पुरुष र पूर्वीचौकी ७ का २५ बर्षीय र २२ बर्षीय पुरुषमा कोरोना पुष्टि भएको हो ।
सुदूरपश्चिमका ८१ जना संक्रमित मध्ये ७९ जना प्रदेशभित्रै रहेका छन् भने एक जना बझाङ र एक जना बाजुराका संक्रमितको भने कर्णाली प्रदेशमा उपचार भईरहेको छ । एक जना संक्रमितको मृत्यु भईसकेको छ भने ८ जना डिस्चार्ज भईसकेका छन ।
७ जना प्रदेशभित्रबाटै डिस्चार्ज भएका हुन भने एक जना प्रदेश बाहिर डिस्चार्ज भएका हुन् । सबैभन्दा बढी कैलालीका ३६ जना, अछामका १३, कञ्चनपुरमा १०, बैतडीका ६, डोटीका १०, बाजुराका तीन, डडेल्धुरा, बझाङ र दार्चुलाका एक÷एक जनामा कोरोना पुष्टि भएको छ ।
अहिलेसम्म धनगढीको प्रयोगशालाबाट ६४, सुर्खेतको प्रयोगशालाबाट १२ र राष्ट्रिय जनस्वास्थ्य प्रयोगशालाबाट ५ जनामा कोरोना पुष्टि भएको छ ।
सम्बन्धित वर्गका समाचारहरू
