कैलालीमा आज थप छ जनाको कोरोना संक्रमणबाट मृत्यु भएको छ । जिल्ला प्रशासन कार्यालयका अनुसार धनगढी उपमहानगरपालिका—२ सरस्वती नगरका ४२ वर्षीय पुरुषको आज बिहान ५ बजे, लम्की चुहा नगरपालिका — १ का ३८ वर्षीय पुरुषको बिहान डेढ बजे मृत्यु भएको छ । 

यस्तै वडा नम्बर १० का ३५ वर्षीया महिलाको बिहान साढे चार बजे, धनगढी उपमहानगरपालिका—५ का ६० वर्षीया महिलाको बिहान ९ बजे, गोदावरी नगरपालिका—३० वर्षीय पुरुषको बिहान ७ बजे, कञ्चनपुरको भीमदत्त नगरपालिका — ७ का ६४ वर्षीय पुरुषको बिहान ५ बजे मृत्यु भएको हो ।

उनीहरुमध्ये चार जना सेती प्रादेशिक अस्पतालमा र दुई जनाको निजी अस्पतालमा उपचारका क्रममा मृत्यु भएको जिल्ला प्रशासन कार्यालय कैलालीले जनाएको छ ।