धनगढी : प्रहरीले धनगढीबाट एक जनालाई फेसबुकमा भ्रामक सामग्री लेखेको भन्दै पक्राउ गरेको छ । कैलालीको धनगढीबाट फेसबुकमा अक्सिजन कालोबजारीको विषयमा स्ट्याटस लेख्ने तेज खड्कालाई पक्राउ गरिएको हो । 

उनले फेसबुकमा औषधी आपूर्तिकर्ता दुष्यन्त बस्नेतले अक्सिजनको कालोबजारी गरेको भन्दै स्ट्याटस लेखेका थिए । 

जिल्ला प्रहरी कार्यालय कैलालीका प्रहरी नायव उपरीक्षक भरत चौधरीले उनलाई सोधपुछका लागि पक्राउ गरिएको बताए ।