कैलालीको गौरीफन्टा नाकामा रहेका भारतीय सुरक्षाकर्मीलाई लिपुलेक पानी वितरण गरिएको छ । भारतबाट नेपाल आउने नेपालीहरुलाई खाना खुवाईरहेको सुदुरपश्चिम फाउण्डेसनका युवाहरुले भारतीय सुरक्षाकर्मीलाई लिपुलेक नामक पानी वितरण गरेका हुन् ।

नेपालको नयाँ नक्सा सहितको लिपुलेक नामक मिनरल वाटर सीमामा ड्युटीमा खटिएका भारतीय सुरक्षाकर्मीलाई दिईएको सुदुरपश्चिम फाउण्डेसनका अध्यक्ष भरत शाहले जानकारी दिए । सुरुमा नेपालको नयाँ नक्सा सहितको लिपुलेक पानी लिन अस्वीकार गरेका भारतीय सुरक्षाकर्मीलाई ६ पेटी पानी दिईएको हो ।

फाउण्डेसनले सुदुरपश्चिम सरकारको आर्थिक सहयोगमा सीमा नाकामा आउने नेपालीहरुलाई खाना खुवाउँदै आएको छ ।