उपमेयर कप राष्ट्रिय महिला लिग छनौट प्रतियोगितामा गोकर्णेश्वर नगरपालिका र धनगढी उपमहानगरपालिकाले बराबरी खेल्दै अंक बाडेका छन् ।

एन्फा कम्प्लेक्स सातदोबाटोमा शुक्रबार गोकर्णेश्वर र धनगढीले १-१ गोलको बराबरी खेलेको हो।

प्रतिस्पर्धात्मक खेलमा शेरचन तामाङले गोल गर्दै गोकर्णेश्वरलाई अग्रता दिलाएकी थिइन् ।

तर, चन्द्रा भण्डारीले गोल गर्दै धनगढीलाई १-१ गोलको बराबरीमा ल्याएकी थिइन् ।

यस बराबरीसँगै गोकर्णेश्वरले १ खेलमा १ अंक जोडेको छ । धनगढीले २ खेलमा ४ अंक जोडेको छ ।

Edit Ad

प्रतियोगिताको विजेता र उपविजेता टोली महिलाको राष्ट्रिय लिगमा छनोट हुनेछन् ।

यस्तै प्रतियोगिताको विजेताले ५ लाख नगद पुरस्कार पाउने छन् ।

यस्तै उपविजेताले ३ लाख र फेयर प्ले टिमले ५० हजार पाउने छन् ।