दोस्रो निसर्ग अस्पताल टेकबहादुर चोखाल स्मृति कप फुटसल प्रतियोगितामा तीन वटा टीम सेमिफाईनल प्रवेश गरेका छन । शनिबारदेखि धनगढीमा जारी प्रतियोगिताको दोस्रो दिन भएका खेलका आधारमा तीन वटा टीमहरु अन्तिम चारमा पुगेका हुन । चौथो टीमको टुङगो भने सोमबार विहान हुने खेलले टुङगो लगाउनेछ ।
टेकवहादुर चोखाल फाउण्डेसनको आयोजना र अभि मिडिया ईभेन्ट्स एण्ड स्पोर्टसको व्यवस्थापनमा भईरहेको प्रतियोगितामा धनगढीका वडा नम्बर ५, वडा नम्बर ४ र वडा नम्बर ७ सेमिफाईनल पुगेका छन् । वडा नम्बर ५ ले गोदावरी वडा नम्बर ८ नआएपछि वाकओभर पायो भने वडा नम्बर १२ लाई हराएर वडा नम्बर ७ पनि सेमिफाईनल प्रवेश गरेको छ । त्यस्तै वडा नम्बर ४ पनि गोदावरी वडा नम्बर १ लाई पराजित गर्दै अन्तिम चारमा पुगेको छ ।
सोमवार विहान धनगढीको वडा नम्बर १ र वडा नम्बर ३ ए बीच हुने खेलले टुङगो लाग्नेछ । सोमबार नै सेमिफाईनल र फाईनल खेल हुनेछ । पहिलो सेमिफाईनलमा वडा नम्बर ४ र ५ प्रतिस्पर्धा गर्नेछन् । दोस्रो सेमिफाईनलमा वडा नम्बर ७ र वडा नम्बर १ र वडा नम्बर ३ ए बीचको विजेता प्रतिस्पर्धा गर्नेछन् ।
धनगढीको फल्याटल्याण्ड फुटसलमा प्रतियोगिता सञ्चालन भईरहेको छ । दोस्रो निसर्ग अस्पताल टेकबहादुर चोखाल स्मृति कपको विजेताले नगद ५० हजार सहित ट्रफी मेडल पुरस्कार प्राप्त गर्नेछ भने उपविजेताले नगद नगद २५ हजार सहित ट्रफी मेडल पुरस्कार प्राप्त गर्नेछ । त्यस्तै प्रतियोगिताको उत्कृष्ट खेलाडी, उत्कृष्ट गोलरक्षक र सर्वाधिक गोलकर्ताले पनि नगद सहित ट्रफी मेडल पुरस्कार प्राप्त गर्नेछन ।
सम्बन्धित वर्गका समाचारहरू
