वाईवाई यु–१९ अन्तर्गतको सुदुरपश्चिम प्रादेशिक छनोट क्रिकेट प्रतियोगितामा कैलाली र बैतडी विजयी भएका छन् ।
आजको पहिलो खेलमा कैलाली विजयी भएको छ । कैलालीले बझाङ एक सय १९७ रनले हरायो ।
टस जित्दै ब्याटिङ्ग रोजेको कैलालीले ५० ओभर ब्याटिङ्ग गर्दै ९ विकेट गुमाएर २९३ रन बनायो । कैलालीका लागी सङीत बुढाथोकीले ७४ रन प्रहार गरे । टेक रावतले ३५ रन बनाए भने आयुब चन्द र बसन्त कार्कीले ३३÷३३ रनको योगदान दिए । जवाफी ब्याटिङ गर्दै बझाङले २२.५ ओभरमा सबै विकेट गुमाउदै ९७ रन बनायो । कैलालीका नारायण जोशीले ५, नरेन साउँदले ४ र शेर मल्लले १ विकेट लिए । खेलको प्लयेर अफ दि म्याच कैलालीका सङीत बुढाथोकी भए ।
वाईवाई उन्नाइस वर्षमुनिको राष्ट्रिय क्रिकेट प्रतियोगिताको प्रदेश स्तरीय छनोट खेलमा बैतडीले पनि विजयी सुरुवात गरेको छ। शनिबार सम्पन्न खेलमा बैतडीले दार्चुलामाथि ९२ रनको उत्कृष्ट जित निकालेको हो।
एक सय ६५ रनको लक्ष्य पन्छाएको दार्चुला २४ दशमलव २ ओभरमा मात्रै ४८ रनमा सिमित भयो। दार्चुलाको दिनेश विष्टले सर्वाधिक १४ रन जोडे। अन्य कुनै पनि ब्याट्सम्यानले दोहोरो अंकको रन समेत जोड्न सकेनन्। दार्चुलाको पारी ध्वस्त पार्ने क्रममा बैतडीका गजेन्द्र बोहरा ५ विकेट लिए। यस्तै भुपेन्द्र चन्दले ३, विरेन्द्र नाथ र प्रदीप चन्दले एक÷एक विकेट हात पारे। बैतडीले २४ रन अतिरिक्त खर्चिएको थियो।
त्यसअघि कञ्चनपुरको कभर्डहल मैदानमा टस जितेर पहिला ब्याटिङ गरेको बैतडी ३० दशमलव ४ ओभरमा एक सय ६४ रनमा अलआउट भएको थियो। जसमा नरेन भट्टले अर्धसतकीय पारीखेल्दै सर्वाधिक ५४ रन हिर्काए। कप्तान खडकबहादुर बोहराले ३८ र गजेन्द्र बोहराले २२ रनको पारी खेले। दार्चुलाका विपीन धामी, विरेन बम र विरेन्द्र विष्टले समान ३÷३ विकेट झारे।
बैतडीका गजेन्द्र बोहरा म्यान अफ द म्याच चुनिएका स्कोरर खेमराज भट्टले जानकारी दिए।
प्रदेश स्तरीय छनोट प्रतियोगितामा सुदूरपश्चिम प्रदेशका आठ जिल्लाको सहभागिता रहेको छ । छनौट प्रतियोगिताबाट सुदूरपश्चिम प्रदेशको उन्नाइस वर्षमूनिको टोली बनाइने भएको छ । उक्त टोली उन्नाइस वर्षमूनिको राष्ट्रिय प्रतियोगितामा सहभागिता जनाउनेछ। नेपाल क्रिकेट संघको आयोजनामा अगामी मंसिर ४ गतेदेखि उन्नाइस वर्षमूनिको राष्ट्रिय प्रतियोगिता हुदैंछ।
सम्बन्धित वर्गका समाचारहरू
