कोरोना संक्रमणको जोखिमका कारण गएको चैतदेखि बन्द धनगढीको एसटिएस सिनेमा हल सञ्चालनमा आएको छ । व्यापार व्यवसाय, विद्यालय, कलकारखाना, यातायात खुले पनि सिनेमा हल नखुलेको अवस्थामा आजदेखि एसटिएस सिनेमा हल खुलेको हो  

एसटिएस सनेमाका सञ्चालक राजकुमार श्रेष्ठले हल आजदेखि खोलेको जानकारी दिए ।  विश्व स्वास्थ्य संगठन र नेपाल सरकारको निर्देशन तथा स्वास्थ्य मापदण्ड अनुसार नै सिनेमा हल खुलेको हो । आज सिनेमा खुलेको पहिलो दिन अंग्रेजी चलचित्र द ईन्भिजन म्यान प्रदर्शन हुनेछ । चलचित्रको पहिलो शो सवा १२ बजे लाग्नेछ । 

हलमा छिर्ने बेला भीडभाड हुन नदिने, स्यानेटाईजरको प्रयोग गराउने, माक्स बिना हलभित्र जान नदिने र दुई दर्शकबीचको सिट खाली राखेर सञ्चालन गरिनेछ । 
 

Edit Ad