धनगढी : नव बाल बाटिका स्कुल बैैैैनीयाले चण्डिका ग्रुप लिटल फ्लावर प्रिमियर लिग (एलपीएल) क्रिकेटमा दोस्रो जित निकालेको छ ।
शुक्रबार भएको खेलमा बाल बाटिकाले रोजी बड्सलाई ८ विकेटले पराजित गरेको हो ।
संघीय प्रहरी इकाई कार्यालयको खेल मैदानमा पहिले ब्याटिङ गरेको रोजी बड्सले १५ ओभर २ बलमा अलआउट हुँदै ८० रन बनाएको थियो ।
रोजी बड्सका याकुब मियाले सर्वाधिक २४ रन बनाए । अजयले १६ रन जोडे ।
बाल बाटिकाका विशाल बिक्रम केसीले ३ विकेट लिए । हिमाल बिक र हिमाल मल्लले २/२ विकेट लिए ।
रोजी बड्सले दिएको सामान्य लक्ष्य बाल बाटिकाले ९ ओभरमा २ विकेट गुमाएर पुरा गर्यो ।
बाल बाटिकाका लागि विशाल बिक्रम केसीले अविजित २६ रन जोड्दा कमल ओलीले अविजित १५ रन बनाए ।
दिपेश सिंहले १६ रन जोड्दा बिराट सिंह भण्डारीले १५ रन बनाए ।
खेलको प्लेयर अफ दि म्याच बाल बाटिकाका विशाल बिक्रम केसी चुनिए ।
प्रतियोगितामा १६ टिमको सहभागिता रहेको छ । विजेताले १ लाख २० हजार पाउने छन् ।
त्यस्तै उपविजेताले ६० हजार प्राप्त गर्दा सर्वोत्कृष्ट खेलाडीले १० हजार पाउने छन् ।
उत्कृष्ट ब्याट्सम्यान, बलर र उदयमान खेलाडीले ५/५ हजार पाउने छन् ।
सम्बन्धित वर्गका समाचारहरू
