नेपाल सुपर लिग यो बर्ष हुने भनेर घोषणा भएपछि विभिन्न शहरको नाममा टिम बनाउने योजनाका साथ आयोजकले धेरैलाई प्रस्ताव गरे । यस्तैमा यो प्रतियोगितामा टिम खरिदका लागि प्रस्ताव गरिएका ब्यक्ति थिए सुवाश शाही । यो नाम नेपाली क्रिकेटमा एक चर्चित नाम नै हो ।
नेपालमा पहिलो पटक अक्सनबाट खेलाडी किनबेच गरेर फ्रेन्चाइजी क्रिकेट प्रतियोगिताको सुरुवात गर्ने सुवासका लागि फुटबल भने निकै नयाँ थियो । सामान्यतया खेल हेर्ने गरेको भएपछि यो खेलमा अहिलेसम्म उनी आफैं संग्लन्न भएर कुनैपनि गतिविधी गरेका थिएनन् ।
तर जब नेपाल सुपर लिगका लागि टिम खरिदको प्रस्ताव आयो, उनले धेरै नसोचेर हुन्छ भने । उनले टिम लिने निर्णय गर्दा अरु धेरै केहि सोचेका थिएनन् । एउटा राम्रो टिम बनाउछु र राम्रा खेलाडी कसरी अनुबन्ध गर्नुपर्छ भन्ने ज्ञान भएका ब्यक्तिको खोजिमा लागे ।
यस्तैमा उनलाई नेपाली फुटबल खेलाडीलाई राम्रोसँग बुझेका ब्यक्ति दिपेश तिमिल्सिनालाई टिममा लिँदा राम्रो हुन्छ भन्ने सल्लाह पाए । त्यो पनि उनका निकै विश्वासिला ब्यक्तिबाट । ति ब्यक्तिको सल्लाहमा उनले दिपेशलाई टिमको म्यानेजर बनाउने निर्णय गरे । उनले खेलाडी अनुबन्ध तथा अक्सनमा टिम बनाउने सबै जिम्मा दिपेश र मार्की खेलाडी बिशाललाई दिए ।
उनी अक्सन मात्र झण्डा उठाउने गरेर बसेका थिए । डीपीएल लिग गर्दा जुन किसिमकाे उनकाे टिम थियाे, याे पटक फुटबल टिम बनाउँदापनि राम्राे टिम हाेस भन्ने चाहेका थिए । हुनपनि उनकाे खाेजाई र गराइ उस्तै भयाे ।
तिनै दिपेशको योजना अनुसार धनगढीले मार्की देखि आइकोनीकमा राम्रो खेलाडी ल्याउने सफल भए । धनगढीको मार्की खेलाडीमा विशाल राई थिए भने आइकोनीक खेलाडीमा किरण चेम्जोङलाई अन्तिममा अनुबन्ध गर्न सफल भयो । किरणलाई आफ्नो टिममा ल्याउनका लागि तीन चार वटा क्लवको होड चलेपछि धनगढी टिमले माेटाे रकममा भित्र्यायो ।
यस्तैमा धनगढी टिमले अक्सनमा पनि पुर्ण रुपमा फिट भएका खेलाडीमा सोचबुझ गरेर बोली लगायो । उसले सोचेका केहि खेलाडी बाहिर गएपनि अन्तिममा ब्यालेन्स टिम बन्यो । यस्तैमा उसले विदेशी खेलाडीका रुपमा नेपाली फुटबलमा एक समय निकै चर्चा कमाएका ओलाओलेलाई भित्र्याउनु बलियो पक्ष बन्यो । भलै प्रतियोगिताका धेरै खेलमा धनगढी ओलाओलेमा बढि भर परेपनि ।
पेपरमा हेर्दा धनगढीमा त्यस्तो उत्कृष्ट खेलाडी भन्ने नभएपछि पोजिसनका आधारमा रिप्लेस गर्नका लागि पनि डेफ्थ खेलाडी टिममा रहेका थिए । पुरै प्रतियोगितामा मार्की खेलाडी विशाल राईको प्रदर्शन सन्तोष जनक रहेपछि प्लेअफमा भने विशाल सन्जिबनी बुटीक बने । उनले अतिरीक्त समयमा गरेको गोलका कारण नै धनगढीले नेपाल सुपर लिगमा इतिहास रच्न सफल भयो ।
प्रतियोगिता अगाडी धनगढी टिमका मालिक सुवास शाहीले बारम्बार भनेका थिए, धनगढी टिम आफुले फुटबल बुझेर भन्दापनि एउटा नयाँ चुनौती लिनका लागि पनि खरिद गरेको बताएका थिए । तर त्यो चुनौतीमा उनले ठूलो जुवापनि नखेलका होइनन् ।
प्रतियोगितामा सहभागि अरु ६ वटा टिमका मालिकको पृष्ठभूमी ब्यापारीक घरानासँग जोडिएका थिए । अरु टिमको तुलनामा आर्थिक रुपमा पनि केहि कमजोर धनगढी नै रहेको थियो । तर करिव एक महिनाको समयमा सुवासले टिमकालागि प्रायोजक र सहप्रायोजक खोजेर एउटा ठूलो समस्यालाई कम गरे ।
जब प्रतियोगिता सुरु भयो पहिलो खेलमा नै पराजित हुँद धनगढी टिम कमजोर त होइन भन्ने आभाष पनि भएको थियो । तर उसले मुख्यमुख्य खेलमा जोडदार प्रदर्शन गर्दै प्लेअफमा पुग्ने पहिलो जिम बन्यो । उसल लिग चरणमा ६ खेलमा तीन जित, एक बराबरी र दुई हार ब्यहोरेको थियो । तर उसले एक खेल अगाडी नै प्लेअफमा पुग्न सफल भयो ।
यता प्रतियोगितामा निकै बलियो देखिएको काठमाडौं विरुद्धको खेलमा धनगढीले कस्तो प्रदर्शन गर्ने हो भन्ने सबैको कौतुहल थियो । तर उसले एक गोलले पछि परेको अवस्थामा कमब्याक गर्दै खेल दुई एकले जित्यो ।
फुटबल टिमवर्क गेम हो भन्ने धनगढीले मैदान भित्र र मैदान बाहिर देखाएर छोड्यो । धनगढी प्रिमियर लिगको आयोजना गर्दा हरेक संस्करणमा घाटा ब्यहोरेका सुवासलाई एनएसएलमा लगानी गर्दा खुकुरीको धारमा हिड्नु जस्तै थियो ।
तर अब फाइनलमा पुगेपछि उसको ठूलो चिन्ता ७० प्रतिशत कम भएको छ । अब फाइनलमा कुन टिमसँग पर्ने हो त्योमात्र मुख्य विषय रहेको छ ।
लिग चरणको खेल हेर्ने हो भनेपछि धनगढीले जित निकाल्दा दोस्रो हाफमा आफ्नो खेललाई देखाएर जित निकालेको थियो । यो विषयमा सोध्दा म्यानेजर तिमिल्सिनाले धनगढी टिममा सबै पोजिसनमा रिप्लेस हुने खेलाडीपनि पहिलो रोजाईको जस्तो नै भएकाले पनि खेल फरक नपरेको बताउछन ।
सम्बन्धित वर्गका समाचारहरू
