राष्ट्रिय तथा अन्तर्राष्ट्रिय खेलाडी संघ कैलालीले खेलाडीको स्वास्थ्य बिमा गर्ने भएको छ । विश्वभर महामारीका रूपमा फैलिएको कोरोना भाइरसलाई मध्य नजर गर्दै सुदूर पश्चिममा रहेका राष्ट्रिय तथा अन्तर्राष्ट्रिय खेलाडीको स्वास्थ्य बिमा गर्ने खेलाडी संघका अध्यक्ष प्रकाशकुमार चन्दले जानकारी दिए ।

उनले सुदूर पश्चिममा रहेका राष्ट्रिय तथा अन्तर्राष्ट्रिय खेलाडीको तथ्याङ्क निकालिरहेको  बताए । खेलसँग सम्बन्धित विभिन्न संघ संस्थाहरू र कार्यालयहरू बन्द भएकाले एकिन तथ्याङ्क निकाल्न नसकिएको उनको भनाइछ ।

खेलाडी संघसँग हाल आर्थिक अवस्था कमजोर भएकाले खेलाडीको संख्या हेरेर बिमाका लागि आर्थिक सहयोग गर्न सकिने उनले बताए