कैलालीका किसानलाई तीन महिने बेमौसमी तरकारी खेती तालिम दिइने भएको छ।  जिल्लाको कैलारी गाउँपालिका -१ का २० जना किसानलाई आईपीएम पद्धतिमा आधारित ३ महिने बेमौसमी तरकारी खेती तालिम दिइने भएको हो।

युरोपियन यूनियनको आर्थिक सहयोग, ब्रिटिश काउन्सिलको व्यवस्थापन र निड्स नेपालले सञ्चालन गरेको बजारमा आधारित प्राविधिक तथा व्यावसायिक सिप (दक्षता) परियोजना अन्तर्गत उक्त तालिम दिन लागिएको हो।

सो वडाका अध्यक्ष बालकृष्ण डगौराले तालिमले कृषि उत्पादन र व्यवसाय वृद्धिमा टेवा पुग्ने बताए। निड्स नेपालले कार्यक्रम सुदूरपश्चिम प्रदेशका तीन जिल्ला कञ्चनपुर, कैलाली र बझांगमा सञ्चालन गरिरहेको छ।