![dd](/sites/default/files/styles/flexslider_full/public/2021-09/11.jpg?itok=qUcrJUu7)
कोरोनाका कारण बन्द रहेका दार्चुलाका विद्यालय सञ्चालन हुन थालेका छन् । जिल्लाका केही स्थानीय तहबाहेक अधिकांश ठाउँका विद्यालयमा पढाइ सुरु भएका छन् । जिल्लामा भदौ २० गते दुहु गाउँपालिकाका विद्यालयमा पर्ढा सुरु भएको हो ।
![](https://khabarkunj.com/sites/default/files/2022-11/nisarg.gif)
अहिले महाकाली नगरपालिका, अपी हिमाल, मालिकार्जुन, लेकम, गाउँपालिका र शैल्यशिखर नगरपालिकाले विद्यालय सञ्चालनमा ल्याई पढाइ सुरु गरिएको नेपाल शिक्षक महासंघका जिल्ला अध्यक्ष राजेशसिंह सामन्तले बताए । व्यासलगायत केही स्थानीय तहका विद्यालय सञ्चालनमा आउन बाँकी छन् । केही स्थानीय तहमा विद्यालयमा भौतिक रुपमा पढाई सुरु गर्न निर्णय भइसकेको र सञ्चालनमा आउन बाँकी रहेको उनको भनाइ छ ।
भदौ २० गते बसेको जिल्ला कोभिड–१९ संकट व्यवस्थापन समितिको बैठकले स्वास्थ्य मापदण्डको अनिवार्य पालना गरी विद्यालय सञ्चालन गर्न सकिने निर्णय गरेको थियो । विद्यालय सञ्चालन गर्दा सरकारद्वारा जारी स्मार्ट लकडाउनभित्र रहेर सञ्चालन गर्न पाइने जनाइएको थियो । त्यस निर्णयलाई टेकेर अहिले जिल्लाका सबै स्थानीय तहहरूले विद्यालय संचालनमा ल्याउने निर्णय गरिसकेका छन् ।
![](https://khabarkunj.com/sites/default/files/2022-11/SARATHI-HOSPITAL-FINAL_1.gif)
![](https://khabarkunj.com/sites/default/files/2022-11/maya-metro.gif)
![](https://khabarkunj.com/sites/default/files/2021-02/SANDAR-MOMO-AD.gif)
महाकाली नगरपालिका कार्यपालिकाको निर्णयको आधारमा स्वास्थ्य मापदण्डको पूर्ण पालना गरेर विद्यालय सञ्चालनमा ल्याइएको राष्ट्रिय मावि दत्तुका प्रधानाध्यापक समेत रहेका शिक्षक महासंघका अध्यक्ष सामन्तले बताए । उनले भन ‘विद्यार्थीको भौतिक दुरी, मास्क र सेनिटाइजरको अनिवार्य प्रयोग गर्न विद्यार्थीहरूलाई भन्दै आएका छौं ।’ अभिभावकहरूलाई आफ्ना बालबालिकालाई मास्क लगाएर विद्यालय पठाउन अनुरोध गरिएको उनको भनाइ छ ।
पछिल्लो समय कोरोना संक्रमणको दर कम हुँदै गएपछि समितिले विद्यालय सञ्चालन गर्न स्थानीय तहलाई जिम्मेवारी तोकेको थियो । शैक्षिक गतिविधिलाई सहज बनाउन यस्तो निर्णय गरिएको जिल्ला कोभिड–१९ संकट व्यवस्थापन समितिका अध्यक्ष एवं प्रमुख जिल्ला अधिकारी सिद्धराज जोशीले बताए ।
![](https://khabarkunj.com/sites/default/files/2022-11/maya.gif)
![](https://khabarkunj.com/sites/default/files/2021-01/GHARAHA-CHULO_0.gif)