धनगढी उपमहानगरपालिका वडा नम्बर १९ मा रहेको फूलबारी बसपार्क सञ्चालनमा आएको छ। बुधबार आजबाट बसपार्क संचालनमा आएको हो। 

आजबाट संचालन भएको फूलबारी बसपार्कबाट पूर्व जाने र फूलबारी हुँदै धनगढी आउने सबै बसहरू वडा नम्बर १९ मा रहेको बसपार्कभित्र भएर मात्रै सञ्चालन हुने बताइएको छ। अब माघसम्म ६ महिना बसपार्क निःशुल्क सञ्चालन हुनेछ।

बसपार्कको निर्माण कार्य सम्पन्न भएको करिब एक वर्षपछि उक्त बसपार्क संचालनमा आएको हो। साउन २९ गते धनगढी उप–महानगरका मेयर, उपमेयर लगायतका जनप्रतिनिधिसहित बसेको बैठकले भाद्र १ गतेदेखि बसपार्क संचालन गर्ने निर्यण गरेको थियो।